Објавена е нова статија на тема Продажба на Статија.Мк

Начинот на презентирање на понуда прави продажба

Производите за широка потрошувачка или во меѓународната терминологија познати како Fast Moving Consumer Goods (FMCG) или Consumer Packaged Goods (CPG) се производи чија што главна карактеристика е што се продаваат брзо, односно нивната реализација (продажба и употреба) се остварува за релативно кратко време од моментот на нивното производство и поставување на продажното место. Поимот „производи за широка потрошувачка“ се однесува на оние производи што се користат и што се заменуваат со нови производи, секојдневно или во период од неколку недели или месеци.
(Цела статија…)

Автор: Роберт Проданоски

Начинот на презентирање на понуда прави продажба

ФИЗИЧКИ АКТИВНОСТИ

Физички вежби
Спортовите и физичките вежби се добри за мозокот, особено заради забрзувањето на циркулацијата на крв и кислород во главата. Долготрајна прошетка или трчање се исто така корисни, но активности кои бараат мислење и координација се многу подобри. Голф играчите кои размислуваат за тоа како да се завртат и како да го удрат топчето со палката или тенисерите кои маневрираат пред своите противници се истовремено и физички и ментални вежби. Слично на ова, танцување, салца, танго или било какво друго танцување се добри вежби бидејќи е потребно да се сконцентрирате на ритам, чекори, координација и движења и на сè тоа да внимавате во исто време.

Подолготрајна вежба може да ја забрза работата на вашиот мозок, што и не е изненадувачки. Било каква активност која влијае позитивно на физичкото здравје, влијае позитивно и на мозокот. Функцијата на мозокот се подобрува веднаш после само десетина минути вежбање. Доколку Ви е потребно да го освежите Вашиот мозок, доволно е да се качувате и да се симнувате по скали десетина минути.

ИЗБЕГНУВАJTE СТРЕС

Уживајте во вашите активности
Уживањето е начин и за да го намалите стресот и за да го раздвижите вашиот мозок. Клучот е во тоа да правите нешто активно. Гледањето на телевизија не помага. Без оглед дали играте Судоку или градите куќичка за птици, кога сте активно вклучени во активност во која уживате, помалку се грижите за останатите работи и почнувате да размислувате многу подобро.

Избегнувајте непотребни расправии
Кога браните одредена позиција премногу ревносно, особено кога е потребно да докажете нешто, во тоа го внесувате и Вашето Его. Со то не допринесувате за развој на Вашиот интелект. Со други зборови, ја вознемирувате вашата совест и ја раскопувате длабоко со секоја нова расправија. Дебатирањето може да биде вредна работа, но кога егото ќе преовладее, свеста полека почнува да се затвора.

Спијте цврсто
Спиењето му помага на мозокот и на телото да се освежи и да се регенерира. Преспивањето на одреден проблем може да Ви помогне да донесете подобра одлука. Спиењето ја зајакнува и ја подобрува вашата меморија. Обезбедете си добро и цврсто спиење. Направете неколку вежби и избегнувајте тешка храна или кофеин пред спиење. Спијте на цврст и удобен кревет, во добро проветрена и тивка просторија. Студентите кои учат за испити и потоа доволно спијат, паметат повеќе и имаат подобри резултати од нивните колеги кои учат во текот на ноќта.

ДРУЖЕЊЕ СО ЛУЃЕ

Копирајте други личности
Најдете други лица кои се креативни, интелигентни или продуктивни. Правете го она што тие го прават, размислувајте за она за што тие размислуваат. Ова е клучниот принцип на невро-лингвистичкото програмирање. Исто така бидете внимателни кога прифаќате совет од нив. Успешните луѓе, најчесто не разбираат зашто се успешни. Правете она што тие прават, а не она што го зборуваат.

Дружете се со интелигентни луѓе.
Поминете одредено време со луѓе кои се интересни, интелектуалци, кои се начитани, добро информирани, полни со мислења, кои се стимулирачки и забавни. Доколку не познавате такви, тогаш направете си план да ги најдете и да ги запознаете. Обидете се да избегнувате луѓе и конверзации кои се досадни, рутински и повторувачки. Во вашиот круг вклучете повеќе луѓе кои излегуваат со интересни теми, кои имаат различен поглед на светот, кои ги предизвикуваат вашите мислења. Луѓе кои ве тераат да размислувате за работите повеќе отколку другите. Избегнувајте ги луѓето кои немаат свој став и мислење за многу работи и кои се сложуваат со Вас цело време. Не е прашање на тоа дали да се биде во елита или сноб. Се работи за хранење на вашиот мозок со идеи и предизвици кои му се потребни.

Волонтирање.
Пријавете се за било каква доброволна работа за да се ставите себеси во нова и различна ситуација, во која можете да им помогнете на луѓето и во исто време да научите од другите.

Дејан Спасески

Други блог постови за Интелигенција

7 Навики на успешните луѓе – Моќни лекции за лична промена (14)

Aвтор: Стивен Кови

Превземено од: www.kniga.com.mk

НОВО НИВО НА РАЗМИСЛУВАЊЕ
Алберт Ајнштајн тврдел: „Значајните проблеми со кои се соочуваме не можат да се решат на истото ниво на размислување на кое сме биле кога сме ги создале“.

Кога ќе погледнеме околу себе и во себе, препознаваме проблеми кои сме ги создале додека сме живееле и дејствувале внатре во етиката на личноста и почнуваме да сфаќаме дека тоа се длабоки, суштински проблеми кои не можат да се решат со површното ниво на кое се создадени.

Нам ни треба ново ниво, повисоко ниво на размислување – парадигма базирана врз принципите кои прецизно ја опишуваат територијата на успешното човечко суштество и интеракцијата – со цел успешно да ги решиме овие длабоки грижи.

Токму тоа ново ниво на размислување е тема на оваа книга. Тоа е принципиелниот, карактерниот, „одвнатре-надвор“ пристап на личноста и на успешните меѓучовечки односи.

„Одвнатре-надвор“ значи почеток на работа, пред сè, на себе. Гледано подлабоко, тоа значи почеток на работа врз своето внатрешно битие – со сите свои парадигми, карактер и мотиви. Со други зборови, доколку сакате да имате среќен брак, тогаш бидете добра личност која ја генерира позитивната енергија, а ја одбегнува негативната и никако не ја охрабрува. Доколку сакате да имате дете-тинејџер кое е попримерно и поподготвено на соработка, бидете родител со повеќе разбирање, сочувственост, упорност и со љубов. Доколку сакате да имате повеќе слобода, повеќе простор во својата работа, бидете поодговорен работник, секогаш подготвен да излезе во пресрет и да го даде својот максимум. Доколку сакате да ви веруваат, бидете доверлива личност. Доколку сакате да ги препознаваат вашите секундарни таленти, фокусирајте се првенствено врз примарните особини на својот карактер.

Пристапот одвнатре-надвор значи дека личните победи произлегуваат од јавните победи, дека одржувањето на ветувањата дадени себеси понатаму води кон одржување на ветувањата дадени на другите. Тоа, исто така, значи дека е залудно личноста да се става над карактерот и да се прават обиди да се подобрат односите со другите пред да го подобрите оној со себеси.

Разоткривањето е процес – траен процес на обновување втемелен врз природните закони кои раководат со човековото растење и прогрес. Тоа е спирала на растежот која води кон прогресивно повисоки облици на одговорна независност и успешна меѓузависност.

Имав можност да работам со многумина – прекрасни, талентирани луѓе кои искрено сакаат да постигнат среќа и успех, кои неуморно трагаат и кои страдаат. Работев со бизнис- менаџери, студенти на универзитет, со црковни и граѓански заедници, со семејни и брачни партнери. Во целото свое искуство никогаш не се сретнав со трајно решение на проблемите, со трајна среќа и успех кои се стекнати со техниката однадвор-внатре.

Видов дека резултат на парадигмата однадвор-внатре е несреќата во луѓето кои се чувствуваат врзани и жртвувани, кои се фокусираат врз слабостите на другите луѓе и на околностите кои ги сметаат за одговорни за нивното тапкање в место. Видов несреќни бракови во кои сопружниците сакаат да се промени оној другиот и во кои секој ги исповеда „гревовите“ на оној другиот, во кои секој се обидува да го исправи оној другиот. Видов препирки во управни одбори каде што луѓето вложуваат огромни количини време и енергија обидувајќи се да создадат закони со кои ќе ги натераат луѓето да се однесуваат како веќе слепо да им веруваат.

Моите предци живееја на „најжешките“ точки на нашата планета – во Јужна Африка, во Израел и во Ирска – и затоа верувам дека изворот на постојаните проблеми во секоја од овие земји е доминантната општествена парадигма однадвор-внатре. Секоја од спомнатите групации е убедена во тоа дека проблемот е „таму некаде“, и само во случај „тие“ (мислејќи на останатите) да се „прилагодат“ или да си „одат“, проблемот ќе биде решен.

Принципот одвнатре-надвор е драматична промена на парадигмата кај мнозинството луѓе, главно затоа што претставува силен удар на мигновената општествена парадигма на етиката на личноста.

Но од искуството – и личното и професионалното, поради тоа што работев со илјадници различни луѓе – и од темелното истражување на успешните личности и општества низ историјата, убеден сум во тоа дека повеќето принципи вградени во Седумте навики веќе постојат длабоко во нас, во нашата свест и во нашиотздрав разум. За да ги препознаеме, да ги развиеме и да ги употребиме во решавањето на нашите најдлабоки двојби, мораме да размислуваме поинаку и да ги поместиме своите парадигми на ново, повисоко ниво „одвнатре-надвор“.

Додека искрено трагаме по разбирање и интеграција на овие принципи во своите животи, уверен сум дека ќе ја откриеме и сфатиме суштината на мудроста на Томас С. Елиот, кој рекол:

„Не смееме да престанеме да истражуваме. И на крајот на сите наши истражувања, ќе стигнеме таму од каде што сме почнале и ќе знаеме дека тука се наоѓаме прв пат“.

7 Навики на успешните луѓе – Моќни лекции за лична промена

Бесплатни поглавја
Бесплатните поглавја Ви ги овозможува No.Net.Mk во соработка со Publisher, првиот специјализиран центар за бизнис и деловна литература во Македонија.

Погледнете ги сите досега објавени поглавја од оваа книга.

Објавена е нова статија на тема Продажба на Статија.Мк

Производи за широка потрошувачка – карактеристики и трендови

Производите за широка потрошувачка или во меѓународната терминологија познати како Fast Moving Consumer Goods (FMCG) или Consumer Packaged Goods (CPG) се производи чија што главна карактеристика е што се продаваат брзо, односно нивната реализација (продажба и употреба) се остварува за релативно кратко време од моментот на нивното производство и поставување на продажното место. Поимот „производи за широка потрошувачка“ се однесува на оние производи што се користат и што се заменуваат со нови производи, секојдневно или во период од неколку недели или месеци.
(Цела статија…)

Автор: Љупчо Василевски

Производи за широка потрошувачка – карактеристики и трендови

МЕНТАЛНИ АКТИВНОСТИ

Применувајте техники за јасно размислување
Неуредни простории и канцеларии може да придонесат за неуредно размислување. Организирајте ја Вашата физичка околина во склоп на Вашето ментално размислување. Издишете се, истегнете се и земете воздух длабоко пред да започнете со потешка ментална активност. Откако ќе завршите, одвојте малку време за одмор.

Потврдете ги вашите верувања
Верувајте дека сте паметни и ќе станете попаметни. За ова може да помогнат афирмациите, но забелешките се многу подобри. Забележете го секој свој успех. Кога ќе направите нешто креативно, кажете си себеси дека тоа било навистина креативно. Кога ќе Ви дојде на ум добра идеја, забележете ја. Прибележувајте ги сите резултати на вашата сопствена интелигенција и ќе почнете да ги искусувате сè повеќе и повеќе.

МОЗОЧНИ ВЕЖБИ

Користете опрема за контрола на мозочни фреквенции
Уредите за контрола на мозочните фреквенции се моќни алатки за забрзување на функцијата на мозокот. Некои од нив веднаш ќе Ве релаксираат, а други Вашиот мозок ќе го доведат до фреквенција која е најповолна за аналитичко размислување..

Вежбајте го мозокот
Доколку постојано лежите во кревет, тогаш ја губите силината на мускулите. Доколку постојано гледате ТВ, ја губите силата на вашиот мозок. Како и секој друг мускул во телото, мозокот одговара на здрави и витални вежби. Испитувањата покажуваат дека луѓето кои поактивно го користат својот мозок помалку се подложни на ментални нарушувања, сенилност или алцхајмерова болест во подоцнежното доба од животот. Постојат многу начини за предизвикување, стимулирање и вежбање на мозокот. Обидете се да го вежбате мозокот со било каква игра поврзана со размислување.

Различноста е тајната на животот
Постојаното повторување на истата работа не му дава на мозокот адекватна разноликост на вежбите кои му се потребни. Различност во работата, одмор, забавата, конверзација, патување и дружење помагаат да се стимулира работата на мозокот. Нови и невообичаени активности го вработуваат мозокот на нов и непознат начин и го тераат да се развива и да учи. На пример, обидете се да читате книга или текст свртени наопаку. Неверојатно е напорно за мозокот да се справи со настанатата ситуација, но тој сепак успешно се справува.

Меморија
Вежбајте го користењето на вашата меморија. Вежбајте ја вашата меморија постојано и секој ден и таа значително ќе се подобри.

Користете броеви
Секој ден повремено правете ментални аритметички пресметки. Помалку користете го вашиот калкулатор и компјутер, а повеќе вашиот мозок. Проверувајте ги вашите сметки кога ќе одите во супермаркет или во ресторан. Секогаш кога плаќате пресметајте го кусурот и пребројте го. Вежбајте собирање, одземање, множење и делење. Пресметките со броеви се многу добра вежба за мозокот.

Логички вежби
Решавајте математички задачи додека возите автомобил. Размислувајте за некој нов начин на употреба за секој предмет што ќе го видите. Скоро секоја мозочна вежба има потенцијал да го зголеми коефициентот на интелигенција и функцијата на мозокот. Редовното користење на мозокот генерира развој на нови невронски влакна и дури и го сопира забавувањето на менталната функција која се јавува на подоцнежна возраст.

Дејан Спасески

Други блог постови за Интелигенција

Ерик Мид: Магијата на плацебото

Ерик Мид: Магијата на плацебото

Преземено од: www.ted.com

ЧИТАЊЕ И ПИШУВАЊЕ

Пишувајте
Пишувањето помага на вашата свест на многу начини. Тоа претставува начин да и укажете на Вашата меморија што е важно, за да подоцна можете многу полесно да се присетите на нив. Тоа е начин за да го забележите вашето размислување и да ги извежбате вашите креативни и аналитички способности. Дневници, бележници на идеи, поезија, фаќање забелешки и пишување приказни претставуваат разни начини со кои пишувањето можете да го користите за зголемување на моќта на вашиот мозок.

Читајте книги
Читање книги, статии и магазини е еден од најдобрите начини за учење нови работи и за стимулација на мозокот. Секојдневно одвојте малку време за читање.

Брзо читање
Спротивно на многу верувања, вашето сфаќање на материјалот се зголемува кога ќе научите брзо да читате. На тој начин успевате да научите повеќе за пократко време и тоа претставува одлична вежба за мозокот. Еве ви кратки инструкции: Кога прегледувате одреден текст, прво прочитајте го првиот и последниот дел од параграфот, ова се деловите во кои се наоѓаат најважните работи. Потоа набрзина поминете го целиот текст и обидете се да ги фатите главните поенти во текстот. Едноставно земете ја било која книга или четиво и проверете го ова.

УЧЕЊЕ

Учете постојано.
Најдобриот начин за вежбање на мозокот е постојано да учите – секој ден, секоја седмица, секоја година. Можете да се запишете на обични часови во вечерно училиште или на курс за обука. Можете и сами дома да учите од книги, од аудио ЦД или од ДВД или директно од интернет. Учењето само по себе го развива мозокот и ја продолжува неговата корист, без оглед што се учи. Образованите луѓе помалку страдаат од ментални нарушувања и дегенеративни мозочни болести.

Учете поефикасно
Кога ќе решите да научите нешто, започнете да фаќате белешки од самиот почеток. На крајот на секоја лекција поставете си едно или две прашања, за да кај себе создадете чувство на љубопитност. Правете мали паузи за да имате повеќе започнувања и завршувања на лекциите. Работите кои ќе ги научите на почетокот и на крајот на часот најдобро ќе ги запаметите.

Научете странски јазик
Јазикот кој го користиме ни помага да го обликуваме начинот на кој нашиот ум работи. Учењето на странски јазик и примањето на дел од културата на друг народ или друга земја го доведува умот во позиција да гледа нови работи на еден сосема нов начин. Повторете го курсот за странски јазик кој сте го учеле на училиште или запишете се на некој нов курс. Посетувајте часови за конверзација. Тие се одличен предизвик бидејќи вашиот мозок се обидува да се справи со комуникацијата на еден потполно нов начин, под сосема нови правила и со ограничен фонд на зборови. Изгледајте филм на странскиот јазик кој го изучувате. Прочитајте некои од нивните дневни весници, книги или детски книги. Најдете си пријател за допишување во таа земја. Посетете ја земјата и обидете се да разговарате со локалните жители на нивниот јазик. Мозокот во таква ситуација треба да работи двојно понапорно и постојано се зголемува и се адаптира на промените.

ГОВОР

Зборувајте
Зборувањето е добро за вашиот мозок само доколку го вежбате вашиот говор. Обидете се на вашиот пријател да му објасните нешто што не разбирате баш најдобро. Така ќе забележите дека процесот на објаснување ќе Ви помогне да го увидите Вашето сопствено разбирање.

Предавајте
Доколку сакате да научите одреден предмет, тогаш започнете да го предавате. За сите напредни мислители, предавањето нуди одличен сет на интелектуални и лични предизвици. Размислете како можете да им помогнете на студентите да научат за предаденото. Како можете да им помогнете да го откријат или да го искусат она што треба да го научат. Како можете да го направите тоа на фасцинантен начин. Доколку го постигнете ова на вистински начин, тогаш и тие а и вие ќе научите.

Дејан Спасески

Други блог постови за Интелигенција

Џулија Свини и нејзиниот интересен говор

Џулија Свини и нејзиниот интересен говор

Преземено од: www.ted.com

ИСХРАНА

Нахранете го вашиот мозок.
Одредени видови храна помагаат во функционирањето на мозокот а други видови го нарушуваат. Најдобра храна за мозокот е свежото овошје и зеленчук. Тие даваат антиоксиданси, нерафинирани јаглехидрати и фолни киселини. Интегралните житарки, овес и леќа даваат тијамин и корисни видови на јаглехидрати. Омега-3 мастите кои се среќаваат во рибиното и во лененото масло се извонредна храна. На мозокот му се потребни и протеини кои ги има во јајцата, рибата и во месото. Витаминот Д е исто така неопходен и во телото се конзумира преку сончање или внесување на некои млечни производи. Во исто време потребно е да пиете доволно вода, природен овошен сок или чај од растителни тревки. Од друга страна познато е дека алкохолот, дрогите, шеќерот и мастите се штетни за мозокот, особено доколку се консумираат во големи дози.

Рузмарин
Рузмаринот може да има поттикнувачко влијание на мозокот кога ќе се вдише неговата арома. Ова сè уште не е научно докажано, но некои луѓе се убедени дека само со вдишување на рузмарин им се буди мозокот. Изгледа потполно безопасно, па доколку кај вас дома кај кутиите со зачини имате рузмарин, зашто да не пробате.

Избегнувајте храна која може да предизвика алергија
Овде е вклучена храна која содржи алергени како што се пченица, пченка, кикирики и млечни продукти. Набљудувајте ги реакциите на Вашето тело и утврдете дали имате проблеми или негативни реакции од било кои од овие продукти. Тие може да предизвикаат проблеми со варењето на храната и замаглување на свеста кај одредени луѓе.

Креатин
Ова е состојка која ја има во месото и која ја користат спортистите за надградба на мускули. Постојат докази дека таа му помага и на мозокот. Со примање на креатин, се добиваат подобрувања во работната меморија и во интелигенцијата. Дозата која се користела во овие истражувања била 5 грама дневно. Тоа е количината која можете да ја најдете во 4 килограми месо. Оваа доза се користи кај спортистите за да ги подобри нивните перформанси.

Јадете месо од риба
Јадењето месо од риба всушност ги забрзува мозочните бранови и ја подобрува концентрацијата. Откриена е скоро идеална поврзаност помеѓу неконсумирањето риба и состојбите на длабока депресија во разни земји од светот. Во САД имаме 24 пати повеќе случаи на депресија за разлика од Јапонија, каде консумирањето на месо од риба е неколкупати поголемо.

МУЗИКА

Слушајте класична музика
Професори тврдат дека децата кои учеле пијано и секојдневно пееле во хор, биле многу поуспешни во решавањето на загатки кога ги тестирале. Тие имале 80% подобар резултат од другите деца кои не учеле музика. Во друга студија, на 36 студенти им биле дадени три различни тестови за Коефициент на интелигенција. Пред првото решавање на тестот, тие десетина минути ја слушале Моцартовата соната за две пијана во D Major, K. 448. Пред вториот тест слушале музика за релаксирање. Пред третиот тест седеле во тишина. Просечните резултати на сите 36 студенти биле следните: на првиот тест 119, на вториот 111 и на третиот 110.

Слушајте музика
Слушајте вистински и искрено. Музиката е јазик кој луѓето користат за комуникација. Прилично се разликува од говорните јазици, но затоа е универзална појава. Слушањето музика може да развие или да стимулира делови од мозокот, како и промена на нашето расположение. Без оглед дали слушате класична музика, џез, блуз или поп музика, запрашајте се себеси што композиторот или авторот сакал да каже со одреден дел или како тој или таа го искажуваат тоа? Обидете се да го издвоите звукот од различни инструменти, слушајте го нивниот индивидуален придонес и откријте како композиторот ги вклопува за да се добие крајниот ефект. Слушајте ги мелодијата, свирењето, ритамот. Забележете ја употребата на повторувањето, развој и контраст на музичките теми. Богатството на музиката е чудесно и сите можеме да научиме да ја цениме музиката што повеќе.

Пејте
Приклучете се во хор и научете да пеете во хармонија со другите членови на хорот.

Дејан Спасески

Други блог постови за Интелигенција

Објавена е нова статија на тема Личен менаџмент на Статија.Мк

21 Повторување до навика

За да се промени постојната навика или да се научи некоја нова активност, пред сè покрај креативната тензија, се случува внатрешен процес на промена, кој потоа се манифестира и надворешно. Процесот на учење зазема соодветно место во нашиот мозок. Кога изведуваме некоја активност за прв пат, ние креираме врска помеѓу невроните во мозокот, кое сликовито може да се прикаже низ следниот пример.
(Цела статија…)

Автор: Ана Салтирова Давидовски

21 Повторување до навика